BÜKELER

Arşiv Belgelerine Göre Osmanlı Döneminde Çamlıdere Yakınında cami bulunmayan Bükeler köyünde Mustafa adlı hayır sahibinincami yaptırmasına izin verilmesi.

Yabanabad Nâibi’nin arzıdır.

Kazâ-i mezbûr muzâfâtından Bükeler nam karye kurbünde câmiދ olmayup ahâlîsi edâ-yı salât-ı
Cuma’da küllî usret çekmeleriyle ashâb-ı hayrâtdan Mustafa hasbeten lillâhi Teދâlâ kendi malıyla karye-i
mezbûrda müceddeden câmiދ binâ etmek murâd etmekle izn-i hümâyûn erzânî kılınmak recâsına arz eder.

Ol bâbda emr ü fermân şevketlü ve azametlü pâdişâhımındır.

Dergâh-ı Âlî dâme mahfûfen bi’l-meދâlî türâbına arz-ı dâދî oldur ki,Kazâ-i Yabanabad muzâfâtından Bükeler nâm karye kurbünde câmiދ olmayup sayf ü şitâda [buދd] mesâfeye gitmekde usret olmağın karye-i mezbûrede câmiދi şerîf ihdâs olunmağa ihtiyâc-ı tâm olduğu cihetden Mustafa nâm kimesne binâ etmek taleb etmeğin taraf-ı saltanatdan icâzeti mutazammın emr-i şerîf-i âlî-şân sadaka buyurulmak recâsına vâkiދi hâl der-i devlet-masîre arz olundu. Bâkî fermân dergâh-ı muދallânındır.

Der-fî gurre-i Cümâdelâhire li-sene semâne ve sebދîn ve elf.

Edދafü’l-ibâd eddâދî el-fakîr Ömer, el-müvellâ hilâfe bi-Yabanabad

1 Cemaziyelâhir 1078 / 18 Kasım 1667

Arşiv Belgelerine Göre Osmanlı Döneminde Çamlıdere Bükeler Köyü Camii’nin boş bulunan hatiplik vazifesinin Mehmed Halife’ye verilmesi.

İzn-i Hümâyûnum olmuşdur.

Arz-ı bende-i bî-mikdâr oldur ki,

Şevketlü Kerâmetlü Mehâbetlü Kudretlü Velî-niދmetim Efendim Pâdişâhım Yabanabad kazâsında vâkiދ Bükeler karyesi câmiދi şerîfinin hitâbeti mahlûl olmağla erbâb-ı istihkâkdan Mehmed Halîfe’ye sadaka buyurulmak recâsına nâzır-ı vakf Dârü’s-saދâdeti’ş-Şerîfe Ağası kulları arz etmekle bâlâsı; “İzn-i hümâyûnum olmuşdur” deyü hatt-ı hümâyûn-ı şevket-makrûnlarıyla tezyîn buyurulmak bâbında emr ü fermân şevketlü kerâmetlü mehâbetlü kudretlü velî-niދmetim efendim pâdişâhımındır.